Getariako Turismo Bulegoa

Interesgune turistiko ugari du Getaria kostaldeko udalerriak.

Turismo Bulegoa Zarautz Jauregia eraikin berrian dago. Urte osoan zehar irekita egoten den Turismo Bulegoak Getariako nahiz Urola Kosta eskualdea osatzen duten gainontzeko udalerrietako (Orio, Zarautz, Aia eta Zumaia) txokorik adierazgarrienak ezagutzen lagunduko digu.

Eraikinak Getariako jatorrizko aztarna arkeologikoak ere baditu, K.o. II. mendeko aztarna erromatarrak barne. Juan Sebastian Elkano, herrian jaiotako nabigatzaile ospetsuaren lehen mundu-itzuliari eskainitako museoa hartzen du ere.

Bulegoak gastronomiari, ondare historiko-artistikoari, paisaiari, kultura-eskaintzari eta tokiko ekitaldiei buruzko informazioa ematen du, ondarearen inguruko bisita gidatuen eskaintza zabala da, turisten gozamenerako. Halaber, kultur ekitaldietarako informazioa eskaintzen da eta sarrerak saltzen dira.

Informazioa gaztelaniaz, frantsesez eta ingelesez eta italieraz ematen dute, eta Donejakue Bidea egiten ari diren erromesentzako arreta-zerbitzua eskaintzen dute.