Amurrioko Turismo Bulegoa

Aldai kalean (Amurrioko erdialdean) dagoen turismo-bulegoak udalerriko txokorik esanguratsuenak ezagutzeko informazio guztia eskaintzen die bisitariei.

Horrez gainera, bertako gaztandegietara bisita gidatuak eta inguruetako parajeak ezagutzeko ibilbide bikainak prestatzen ditu.

Egun bateko bisitaldiak ere antolatzen ditu turismo-bulegoak. Besteak beste, txakolindegia eta bi museo bitxi (Txirrindularitza Museoa eta Likorearen Museoa) ikusteko aukera izango dute bisitariek. Urte osoan zehar irekita dago eta zerbitzuak euskaraz zein gaztelaniaz eskaintzen ditu.