Euskadi Basque Country
 
Euskadiko Turismo Ataria
euskadi.eus

NABARMENDUAK

 

Urdaibai, Biosferaren Erreserba

Urdaibai, Biosferaren Erreserba

Urdaibai, Biosferaren Erreserba
Urdaibai espazio natural ederra eta askotarikoa da, UNESCOK 1984an Biosferaren Erreserba izendatu zuena.
Urdaibai espazio natural ederra eta askotarikoa da, UNESCOK 1984an Biosferaren Erreserba izendatu zuena.

TOP EUSKADI

Euskadira etortzeko 10 arrazoi

Urdaibaiko Biosfera Erreserba

Oiz mendian jaiotako Oka ibaia du bihotz, Mundakara iristean itsasadar bihurtu eta bizitasunez betetako padurak sortzen dituena. Eguneko hainbat unetan ikustea gomendatzen dizugu, itsasbeheraz zein itsasgoraz gozatu ahal izateko.

Arrano arrantzalea, mokozabala, zezen-txoria... Iberiar Penintsula osoan begiztatzen oso zailak diren hegaztiak dira. Urdaibain, baina, guztiak ikusi ahal izango dituzu, hegaztientzako festa gunea baita. Ez ahaztu Urdaibai Bird Center modernoa bisitatzea. Zehaztasun guztiez gozatzeko beharrezkoa den informazioa jasoko duzu bertan.

Baina padura bereziez gainera, Euskadiko hondartza eder eta preziatuenetako batzuk eskaintzen dizkizu Urdaibaik: Laida, etengabe formaz eta tamainaz aldatzen ari dena; edo Laga ikusgarria, Ogoño Haitz ikaragarriaren azpian dagoena. Askok eta askok honela definitzen dute: "Paradisuaren antz handiena duena".

Ez galdu aukera, eta hurbildu Urdaibaik eskaintzen dizkizun begiratoki naturaletara, Ogoño Haitzera edo Atxarreko San Pedro (Ibarrangelu) eta Ereñozarko San Migel (Ereño) baselizetara. Handik, parerik gabeko edertasun honen ikuspegi panoramiko ahaztezina izango duzu.

Barnealdean, Urdaibaik altxor handiak ezkutatzen ditu; besteak beste, Santimamiñeko Kobak, ezin zenbatuzko balioa duten haitzuloetako pinturak dituena, eta Omako Basoa, naturaren eta artearen arteko harremana berrasmatu duen toki magikoa. Ikustekoak dira, halaber, Gernika, euskal nortasunaren sehaska, eta Bermeo, herri arrantzale zoragarria.

Artzubiko Erdi Aroko zubia, hain zuzen ere, XVI. mendean eraiki zen, eta Gernika eta Gerrikaitz Erdi Aroko hiribilduak lotzeaz gain Golako ibaiaren gainetik, bertako galtzada Done Jakue Bideko erromesen istorioen lekuko izan da. Zubiak bizirik iraun du mendeetan zehar izandako mota orotako gertakarietara egokituz, eta zubiaren itxurak ere bat egin du inguruan duen basoarekin. Landaredi trinkoa gailendu egin zaio pixkanaka-pixkanaka gizakiari, eta zubia estali du. Hartara, lekua misterioz eta fantasiaz betetzen du, eta horri esker, antzina bidea egiten ari ziren erromesen edo bertako biztanleen zurrumurrua entzutera irits gaitezke, egunerokoan zubia gurutzatzen zutenena etxeetara iristeko.
  • Urdaibaiko Biosfera Erreserba

Ekitaldiak

Zer, noiz eta non

Non

Ordubete baino gutxiagora…

Euskadi, auzolana