Egun oso bat Karrantzan

Karrantzako baliabide turistikoak askotarikoak eta ugariak dira, eta, horri esker, hainbat esperientzia bizi ditzakegu egun bakar batean.

Hala, haranaren bazter ezkutuenetako batean barrena ibil gaitezke edo Enkarterriko mendi garaienetako baten tontorreraino igo; Pozalagua kobako lurrazpiko mundua eta inguruak ezagutu ditzakegu Armañongo parketxetik abiatuta; itxurazko erretaula baten sekretuak argi ditzakegu San Andrés de Biañez Eliza Zaharrean; eta animalien bizitza balioetsi dezakegu Karpin Faunaren eskutik.

GOIZEAN

Bisitaldi gidatua San Andrés de Biañez Eliza Zaharrera: XV. mendearen amaierako itxurazko erretaula bat ikusiko dugu, baita indianoek Karrantzan izan zuten eragina ere.
Karpin Fauna parkera bisitaldia: ibilbide bat ehun urtetik gorako finka batean barrena. 50 animalia espezietik gora aurkituko duzu bertan, baita dinosauroen parke tematiko bat ere.

ARRATSALDEAN

Bisitaldi gidatua Parketxera (Armañongo Parke Naturalaren Interpretazio Zentroa): Armañongo Parke Naturalaren eta Ordunteko Mendien ezaugarrien berri izango dugu, bertatik bertara.
Pozalaguako kobara bisitaldia: aparteko koba bat da, lurrazpiko katedral bat esan dezakegu, estalaktitaz, estalagmitaz eta ezohiko estalaktita bitxiez betea.

KONTRATA DAITEZKEEN ZERBITZU-ENPRESAK: