Euskadi Basque Country
 

Euskadiko Turismo Ataria
euskadi.eus

NABARMENDUAK

 

NATURA

Parke naturala

Aizkorri-Aratz Parke Naturala

Aizkorri-Aratz Parke Naturala

Aizkorri-Aratz parke naturala Araba eta Gipuzkoa artean dago, eta kareharrizko mendilerro eta pagadi amaiezinengatik nabarmentzen da. Euskadiko gailurrik altuena dago bertan, Aitxuri (1.551), eta elezaharren arabera, gailur horietan egon daiteke oraindik Mari jainkosa mitologikoa.

 

Parkearen sarrera nagusia Arantzazuko Santutegi ikusgarriaren ondoan dago. Santutegia amildegi handi batean gainean dago, eta ezinbesteko bisita da interes arkitektoniko eta artistikoa aintzat hartuta. Horrez gainera, Araban kokatutako Araia ere Aratzera (1.443 metro) igotzeko abiapuntua izan daiteke.

 



Aizkorri Aratz parkeak hainbat altxor ditu, hala nola: Sandratiko tunela, barnean izen bereko ermita bat duena eta garai batean joan-etorri ugariko Erdi Aroko galtzada duena; edo Arrikrutz lurpeko kobazuloa, Oñatin, estalaktita erraldoiez apaindutako galeriak dituena.
Gainera, Arantzazuko informazio zentroak erakusketa iraunkor handi bat eskaintzen du.

 

Parketxe bat ere badago, Araian (Araba), eta bisitariei ibilbide, interesgune, programa didaktiko eta taldeentzako bisita gidatuen berri ematen die. Aizkorri-Aratz parke naturala hobeto ulertzeko, Aizkorriko Ataria interpretazio zentroa bisita daiteke, Zegamako Anduetza baserrian. Han, kulturaren eta naturaren arloko alderdiak ezagutarazten dira, inguru idiliko batean.

 

Leku interesgarriak - San Adriango tunela - Arantzazuko Santutegia


Zerbitzuak: Aisialdirako gunea / Barbakoa / Haitzuloak / Basozaina / Monumentu / Behatokia / Parkinga / Arrantza / Jatetxea / Kirol eta gimnasia ibilbidea
Irisgarritasuna
Eskaintzak
Datu orokorretara itzultzea
Non
Euskadi, auzolana