Trenbidearen Euskal Museoa

Euskadiko trenbidearen historia laburbiltzen du Azpeitiko Trenbidearen Euskal Museoak. Horretarako, erabat zaharberritutako 60 ibilgailu baino gehiago biltzen ditu; martxan daude guztiak: lurrun-lokomotorrak, tranbiak, bidaiariak eta merkantziak garraiatzeko bagoiak, trolebusak, etab. 150 urteko historian trenbideak izan duen bilakaera erakusten du. Gainera, ikusgai daude, besteak beste, trenbideko ordularien, makina-erreminten, uniformeen eta farolen bildumak ere.

Mota horretako museorik garrantzitsuenetakoa da Europan.

Hilabete batzuetan zehar bisitariek Azpeitia eta Lasao arteko bidea (5 kilometro) lurrun-trenean egiteko aukera dute.