Museoa | Igartubeiti Baserri Museoa Ezkio-Itsason (Gipuzkoa) | Euskadiko museoak | Turismoa Euskadi
Joan edukira

Arte eta Kultura

Museoak

Igartubeiti Baserri Museoa

Praktika Onak Produktu Cluba Euskadiko Turismo Etika

Igartubeiti baserria XVI eta XVII. mendeetako egurrezko arkitekturaren erakuslea da, euskal baserriaren Urrezko Aroaren eredu. 1992an Gipuzkoako Foru Aldundiak erosi zuen desagertu ez zedin, eta goitik behera berritu zuen.

Egun XVI. mendeko sagardo dolare handi bat martxan ikusteko aukera ematen du. Igartubeiti baserria zanpatutako sagarraren, belarraren, lehortzen jarritako larruen eta kearen usainak bereizten dute, hitz batean esanda, iraganaren lurrinak.

Bisitaria sukaldeko eta ukuiluko iluntasunean barneratuko da, eta urrats bakoitzean goitegiko egurrezko zoruak kraska nola egiten duen sumatuko du. Baina etxea hutsik dago, eta ez dago garai hori baino lehen eta ondoren jasotako gertaeren berri eman diezagukeen inor. Interpretazio Zentroak, aldiz, mila urtetik gorako euskal baserriaren historia dakar gogora.

Igartubeitiko familia eta bizilagunen ahotsak lagun, antzinako baserrien garapena eta bilakaera, bertako biztanleen bizimodua eta zereginak, euren arteko harremanak zein zituzten sinesmenak ezagutu ditzake bisitariak, eta zer ekoizten zuten, zer jaten zuten, dibertitzeko zer egiten zuten eta zerk sufriarazten zituen jakin dezakete.

 

Museoa Euskal Euskadiko Museo Enogastronomikoen Sarean dago.

Datu interesgarriak

Helbidea
Carretera Ezkio - 20709 Ezkio-Itsaso, Ezkio-Itsaso
Telefonoa
Helbide elektronikoa
Weba
Ordutegia

  • Martxoaren 1etik urriaren 31ra arte:

Asteartetik-Larunbatera: 10:00-14:00 / 16:00-19:00

Igandea: 10:00-14:00

  • Azaroaren 1etik otsailaren 28ra arte:

Asteartetik-Ostiralera: 10:00-14:00

Larunbata: 10:00-14:00 / 16:00-19:00

Igandea: 10:00-14:00

  • Aste Santu zein Jaiegunetan:

10:00-14:00

16:00-19:00

  • Tarifak: 1,5 eta 3€ bitartean
Areto kopurua
2
Edukiera
80

Zerbitzuak

  • Parkinga
  • Bisita gidatuak