Menu

Euskadiko Turismo Ataria

Bilatu
 
 

Arte eta Kultura

Museoak

Guggenheim Bilbao Museoa

  • Guggenheim Bilbao Museoa
  • Guggenheim Bilbao Museoa
  • Ama. Louise Bourgeois (1999). Guggenheim Bilbao Museoa
  • Puppy. Jeff Koons (1992). Guggenheim Bilbao Museoa
  • Zuhaitz garaia eta begia. Anish Kapoor (2009).Guggenheim Bilbao Museoa
  • Guggenheim Bilbao Museoa
  • Turismo Familiar

Guggenheim Bilbao Museoa

Guggenheim Bilbao Museoa, "Bilbao berria" deritzonaren ikurra, XX. mendeko proiektu kultural garrantzitsuenetarikoa da.

 

Museoaren bilduma iraunkorrak azken lau hamarkadetako artistarik esanguratsuenen lanak jasotzen ditu, baita Solomon R. Guggenheim Foundation elkarteak maileguan utzitako artelanak ere. Horrez gainera, Fundazioak babestuta, programazio berezia eskaintzen du. Guggenheim Bilbao Museoko hainbat aretotan muntaia monografiakoak daude ikusgai; beste batzuetan, aldiz, Museoan erakusteko espresuki egindako lanak daude. Halaber, Euskadiko eta Espainiako Estatuko arte garaikideak ere aparteko lekua dute Museoan. Lan horiek eta bilduma iraunkorra osatzen duten gainerako guztiek egungo joeren ikuspegi zabala eskaintzen dute.

 

Guggenheim Bilbao Museoko bildumak izaera propioa du, baina, aldi berean, gainerako Guggenheim Museoetako lanek osatzen dute. Egun, XX. mendearen bigarren erditik aurrerako artistarik garrantzitsuenen lanak daude ikusgai Guggenheim Bilbao Museoan; Eduardo Chillida, Yves Klein, Willem de Kooning, Robert Motherwell, Robert Rauschenberg, James Rosenquist, Clyfford Still, Antoni Tàpies eta Andy Warhol dira artista bikain horietako batzuk

 

Erakusketa iraunkorraren baitan Richard Serraren Denboraren materia, Jenny Holzerren Bilborako instalazioa, Jeff Koonsen Puppy, Yves Kleinen Suzko iturria, Louise Bourgeoisen Ama, Jeff Koonsen Idi-bihotzak, Daniel Burenen Arku Gorriak eta Fujiko Nakayaren Laino eskultura nabarmendu behar dira.

 

Guggenheim Bilbao Museoak ZERO aurkeztu du 2018ko abenduan, bisitariak Museoarekin lehenengo kontaktua izan dezan prestatutako aretoa. Proiekzio inguratzaile bat tarteko, bertaratzen dena Museoaren esperientzia osoago baterako prestatzen du gune honek. Atondoaren alboan dago ZERO, eta bisitari guztiei harrera egiten die, Museoren eta haren inguruko historiara zentzumenen bidez hurbiltzeko aukerarekin, eta Frank Gehryren arkitektura paregabearen eta Guggenheim Bilbao Museoaren Bilduma iraunkorreko artelanik esanguratsuenen gaineko ikuspegi desberdin batekin. Geometriaren eta pantaila handi baten gaineko proiekzio kurbatuaren bidez, ispiluz estalitako areto honetan ispiluek 14 aldiz biderkatzen dute mugimendudun irudia, ikuslea inguratu eta hari 300 graduko ikus-eremu kaleidoskopikoa eskaintzeko.

 

Besteak beste, erakusketak, kontzertuak, jaialdiak, hitzaldiak, film emanaldiak eta tailerrak hartu ohi ditu Guggenheim Bilbao Museoak. Kontsulta ezazu erakusketen agenda.


Zerbitzuak: Audio-gida / Liburutegia / Taberna/kafetegia / Jatetxea / Hitzaldi-aretoak / Bideo-aretoak / Dendak / Bisita gidatuak / Prentsa-aretoa / Artxiboa
Irisgarritasuna
Eskaintzak
Datu orokorretara itzultzea
Non

Datu interesgarriak

Helbidea: Avenida Abandoibarra, 2  - 48009  Bilbao
Telefonoa: +34 944 359 080 (Informazioa) / +34 944 359 090 (Erreserbak) Telefonoa: +34 944 359 080 (Informazioa) / +34 944 359 090 (Erreserbak)
Helbide elektronikoa: informacion@guggenheim-bilbao.eus
Ordutegia:

Ekainean: Astelehenetik ostiralera, 14:00etatik 19:00etara

                 Larunbat eta igandeetan 11:00etatik 19:00etara.

 

Uztailetik aurrera: egunero, 11:00etatik-19:00etara.

 

Astelehenetan itxita, honako egun hauetan izan ezik: ekainako, uztaileko eta abuztuko astelehen guztietan, irailaren 7an eta 14an, urriaren 12an, abenduaren 7an eta 28an. 

Areto kopurua: 20
Euskadi, auzolana