Euskadi Basque Country
 
Euskadiko Turismo Ataria
euskadi.eus

NABARMENDUAK

 

Arte eta Kultura

Ondare kulturala

Santa Katalina Lorategi Botanikoa, natura bete-betean

Praktika Onak

Santa Katalina Lorategi Botanikoa, natura bete-betean

Vitoria-Gasteiztik kilometro gutxira dagoen Santa Katalina Lorategi Botanikoan natura biziena eta monasterio, jauregi eta eliza baten ehunka urteko aztarnak nahasten dira. Hain zuzen, azken horiek XIII. eta XIV. mendeen artean eraiki ziren. Inguru lasai ikusgarri honetan, bisitariak planeta osoko aromekin gozatu ahal izango du, hondakinetan eraikitako lorategi botanikoari eta zurbeltzei esker.

Lorategiak 1.200 espezie botaniko baino gehiago ditu eta hiru eremu handitan banatuta dago. Eremu ospelean, klima atlantikoari lotutako espeziak ikus daitezke, hala nola haltzak, urkiak, pagoak, gaztainondoak edo haritzak.

Bestalde, haranaren hondoan, espezie belarkarak nabarmentzen dira, baita eremu hezeetako espeziak (lirioak, igebelarrak...) eta errosazeoak (arrosak, sagarrondoak, udareondoak, gereziondoak...) ere. Hain zuzen, leku horretan murgildu ahal izango da bisitaria Agustindar monjeek eraikitako Santa Katalina monasterioaren hondakinetan.

Eguteran, espezie kaktazeoak, kanariar landareak, eukaliptoak, mimosak, arteak, algarroboak edo elorri beltzak daude.

Gainera, landareen kolore biziak edertzen dituzte lorategiko tximeletategian bizi diren tximeleten tonalitate ugari eta deigarriek. Hondakinei esker, oro har, espazio misteriotsu eta liluragarria da. Kareharrizko putzuen sendotasuna, pasadizoak eta jauregiaren aztarna arkitektonikoek iraganeko istorioak ekartzen dizkiote gogora bidaiariari. Nolanahi ere, edertasuna ez da egunez soilik antzematen. Eremu honetako begiratokitik dagoen ikuspegia itzela denez, Starlight fundazioak ziurtatutako munduko lehen "izar parke" izendapena jaso du. Fundazio hori Kanarietako Institutu Astrofisikoan sortu zen, UNESCO, Turismoaren Mundu Erakundea eta Nazioarteko Astronomia Batasunaren laguntzarekin. Balkoian, bisitariak zerua ukitzeko sentipena izango du, eta astronomiaren mundu harrigarria ezagutzeko aukera. Abuztuaren 10 guztietan, gainera, Ilargiaren Jaia ospatzen da eta ibilbide antzeztu batez gozatu ahal izaten da begiratokira arte.


Zerbitzuak: Bisita gidatuak
Irisgarritasuna
Eskaintzak
Datu orokorretara itzultzea
Non

Datu interesgarriak

Baliabide mota: Eraikuntzak edo egitura interesdunak
Monumentu mota:

Jardín botánico

Helbidea:   - 01191  Iruña Oka/Iruña de Oca
Telefonoa: +34 688 897 048Telefonoa: +34 688 897 048
Helbide elektronikoa: jardincatalina@gmail.com
Ekintzak:

Askotariko jarduerak antolatzen dira

Euskadi, auzolana