Arte eta Kultura
Ondare kulturala
Omako Basoak kokaleku berria du
Omako Basoa jasangarriagoa da, eskuragarriagoa eta osoagoa, baina jatorrizko pinuen baldintza morfologiko eta adin berari eutsiz. Kortezubin dago, Urdaibaiko Biosfera Erreserbaren barruan, Oma bailarako eremu berean.
Agustin Ibarrolaren obraren esentzia bera mantentzen duten hamabi hektareaz osatuta. Beste zuhaitz batzuk dira, baina erabilitako hizkuntza eta obraren eta ingurunearen arteko lotura berbera da.
Museoetan ez bezala, bisitariak obra pertsonalizatua eraikitzeko aukera du basoan barrena hartzen dituen erabakien arabera; bide batetik edo bestetik joan, norabide ezberdinetara begiratu... Beraz, bisitari bakoitzarentzat bada baso desberdin bat.
Bisita librea edo bisita gidatua
Sarrera erreserbatzea derrigorrezkoa da kasu bietan, eta Santimamiñe-Omako arreta-gunean baliozkotu beharko da, erreserba ordua baino ordubete lehenago.
Bisita librea:
Bisita gidatuak:
Nola iritsi Omako Basora
Ezin da Basoraino ibilgailuz iritsi, oinez joan beharko da Santimamiñetik Omako Basoraino (2,8km, 50 minutu gutxi gorabehera).
Kortezubiko Oma auzoak inguru xarmangarria gordetzen du ezkutuan, Santimamiñe leize-zulotik gertu: Baso biziduna, hain zuzen. Agustin Ibarrola eskultore eta margolari bilbotarrak 1984an sortu zuen sorgindutako baso hau.
Leku magikoa da, eta bertan artearen eta naturaren arteko harreman berria ezarri zuen Ibarrolak, hainbat pinu eta harkaitz margotu eta bizia emanda. Artistak Paleolito garaiko ehiztarien labar-margoak eta Land art izenekoa (margolan baten mihisea bailitzan, ingurune naturala oinarritzat hartzen duen arte mugimendua) uztartu zituen.
Ibarrolak pinuen gainazala margotu zuen, erabili zuen euskarria edozein koadrotako oihala bezain iraunkorra ez zela jakin arren. Margoak hainbat zuhaitzetan (leku eta sakonera ezberdinetan mailakatuta dauden pinuetan) ikus daitezke, eta, hala, mihise erraldoia sortu zuen, ibilian eta perspektibekin jolasean bisitariak berriz osa dezakeen mihisea.
