Atano III Pilotalekua

Udalaren menpeko pilotaleku laburrada. Anoetako kirol gunean kokatuta dago, futbol-zelaiaren ondoan. 10x35 metroko neurriak ditu eta 14 metroko altuera. Bertan eskupilotan jokatzen dira eta, noizean behin, palan, paletan eta frontenisean ere. Estalita dago eta hormigoi landuko zorua dauka. 1963. urtean zabaldu zuten Anoeta Pilotalekua izenarekin eta 1995.ean eraberritu eta Atano III. izena jarri zioten, pilotari ospetsuaren omenez. Urtero, duela 37, pilotalekuaren 2.3053 eserlekuak betetzen dira eskuz banakakoaren finala ikusteko, pilotaren egun handienetarikoa. Aldagelak ditu, ondoan beste pilotaleku txikiago bat dago eta Amara Berri pilota eskolaren egoitza da. Edukiera: 2.353 pertsona Sartzeko betebeharrak: Partiduetarako sarrera edo pilotalekuaren alogera. Tarifak: 16,20 euro/ordua + argia 2,10 euro/ordua. Aparkalekua: Publikoa.