Zabalgana, Salburua, Olarizu eta Armentia: Gasteizko eraztun berdea

Europan inguru berde gehien duen hirietako bat da Gasteiz, biztanle bakoitzeko 40 metro karratuko gune berdea baitago aisialdirako. Guztira, tamaina handiko 40 parke daude; horien artean adierazgarriena, Florida parke erromantikoa. Erdigunetik oso gertu, berriz, hirigunea eta landagunea lotzen dituzten parke natural ederrak daude eta horiek Gasteizko "eraztun berdea" sortzen dute.