NABARMENDUAK
Euskadi zure zain dago. Baina, zein da haren aurpegi ezberdinetan zure gogokoena? Hondartza eta arrantza-herrixkena? Itxuraz atzo sortu zituzten hiriena? Goizeko lainoaz jantzitako basoena? Larre berdedun mendiena? Haren bihotzeraino –bihurgune bat edo beste tartean– eramango zaituzten errepide bakartiena? Paisaia ikusgarria osatzen duten mahastiena? Guztiak? Ez da erraza aukeratzea, badakigu. Horregatik sortu dugu The Basque Route (#thebasqueroute), Euskadiren aurpegi ezberdinetan barrenako ibilbidea. Gustukoen duzuna aukeratu dezazun.
