Gasteizko Eraztun Berdea eta Salburua txakurrekin

Zure txakurrak non bizi aukeratu ahal izango balu, ziurrenik Gasteiz berdea lehenengo postuetan egongo litzateke. Hiria inguratzen duen “Eraztun Berdea” nazioartean aitortutako hirigintza-apustu handia da, parkeak, basoak, hezeguneak eta abar egoki uztartzen jakin baitu. Balio handikoa da ekologiaren nahiz paisaiaren ikuspegitik, eta biztanle guztiek gozatzeko orotariko eremuak eskaintzen ditu.