Euskadi Basque Country
 
Euskadiko Turismo Ataria
euskadi.eus

NABARMENDUAK

 

Helmuga turistikoak

Herria

Ormaiztegi

Goierriko udalerri honetara iristearekin batera, zur eta lur geratuko gara begien aurrean ikusiko dugun eraikuntza batekin. Zubibide bat da, itxura handientsua duena, 1864an inauguratua. Garai batean, horixe zen Pasaiako portuaren, Aragoiren eta Gaztelaren arteko lotune.

Bestalde, San Andres parrokiak udalerriko altxorrik zaharrenetako bat gordetzen du: grabatu geometriko interesgarriak ageri dituen VIII. mendeko bataiarria.

Zumalakarregi Museoa, Euskal Herria XIX. mendean

Zumalakarregi Museoa ere nahitaez aipatu behar da. Tomas Zumalakarregi jeneral karlistaren etxea izan zen eta, egun, haren hainbat gauza (gutunak eta dokumentazio garrantzitsua, besteak beste) erakusten dituen museoa da. Lehen Karlistadaren inguruko informazioa eskaintzen duten azalpen-panelak eta ikus-entzunezko lan bat daude ikusgai.

Jai eta kultur jarduera ugari egiten dira Ormaiztegin. Herriko festa nagusiak azaroaren amaieran ospatzen dituzte, San Andresen omenez. Ekintza ugariz gozatzeko aukera egoten da egun horietan: haur-danborrada, dantzaldiak eta herri-kirolak, besteak beste.

Hedadura: 6.90
Biztanle-kopurua: 1319
Irisgarritasuna
Eskaintzak
Datu orokorretara itzultzea
Non
Euskadi, auzolana