Helmuga turistikoak
Herriak
Arabako txoko eder honek hainbat biztanleria nukleo ditu, eta Aguraingo kuadrillan dago kokatuta. Bisitatzeko eta gozatzeko moduko hainbat gune enblematiko ditu. Besteak beste, nabarmentzekoa da Garaioko Parke Probintziala. Paraje ederra da, bainua hartzeko egokiak diren hondartzak dituena.
Izan ere, egun pasa joateko edota bainua hartzeko ongi prestatutako hondartzak aurkituko ditugu ingurune apartan. Gainera, Mendixur Parke Ornitologikoa handik oso gertu dago; natura eta animaliak gustuko dituen orok uretako hegaztiak eta bestelako espezieak ikusteko aukera izango du bertan.
Ondare multzo garrantzitsua
Ondare historikoari eta artistikoari dagokionez, udalerrian oso eraikin interesgarriak topatuko ditugu. San Joan Bataiatzailearen eliza eta Isasmendi jauregia (Ozetan) dira, besteak beste, adibide adierazgarrienak. Izan ere, herrixka bakoitzak bisitatzea merezi duten altxor arkitektonikoak ditu.
