Jarrai iezaguzu
Hiriak Ekitaldiak LGTBIQ+
Euskadi bere hondartzengatik, mendiengatik, haranengatik eta paraje natural magikoengatik da nazioartean ezaguna. Gure herrialde txikia helmuga idiliko bihurtzen da bisitari guztientzat.
Turismo kosmopolitagoa bilatzen dutenentzat, batez ere gauean (LGTBIQ+ komunitateari dagokionez, bereziki), Euskadi ez da atzean geratzen.
Erkidegoko hiririk bisitatuenetakoek LGTBIQ+ bidaiariek gehien atsegin dituzten auzoak hartzen dituzte barnean. Bilbon daude ezagunenetako batzuk batzuk, hala nola Bilbo Zaharra edota San Frantzisko auzoa. Hainbat hamarkada dituzten lokalek imajina daitekeen bezero anitzenak hartzen dituzte gauero, eta etxean bezala sentitzeko beharra dutenak begirunez eta behar bezalako neurriez hartzen espezializatuak.
Bilatzen duzuna bilatzen duzula, Bilbok badauka: El Balcón de la Lola bezalako tokietako musika elektronikoko gauetatik Badulake antzokiko drag eta kabaret ikuskizunetara, duela 13 urte baino gehiagotik Las Fellini konpainia ospetsuarentzat etxea den antzerki-taberna mitikora, herrialde osoko queer kulturaren benetako ikonoak. La Korrala, bestalde, hiriko LGTBIQ+ komunitateak gehien ezagutzen duen festa-tokietako bat da. Enigma, Heaven, Bar Modesto edo Manolita la Primera bezalako beste lokal batzuek, esaterako, Bilboko gaua borobiltzen dute, terraza batean konpainiarik onenean kopa bat hartu eta benetako abentura bat bizi ondoren gaua ixteko interesa duena pozik gera dadin (ausartenentzat bi sauna ospetsu daude: Element eta EGO).
Bilbo ez da gaueko giroa maite dutenentzako dibertimendua eta entretenimendua eskaintzen dituen bakarra: Donostiak ere baditu taberna, pub edo diskoteka ezagunak, hala nola Dionis edo Zikuta.
Azken batean, gau perfektu baten zure ideia edozein dela ere, Euskadik girorik onenaz inguratuta bizitzeko aukera ematen dizu, eskaini dezakeen segurtasunik handienarekin eta oroitzapen eder bat eramateko ziurtasunarekin.
