Jarrai iezaguzu
Kostaldea Hiriak Planak
Leku bat bisitatzera joan aurretik kontsultatzen dugun gauzetako bat herriko intereseko datuak dira: jatetxeak, ikusteko tokiak, produktu tipikoak, zein hizkuntzatan hitz egiten den... Gainera, badira berezitasunak edo txoko bitxiak dituzten toki batzuk eta horien xehetasunak ezagutu nahi izaten ditugu.
Donostia, gure zinema-hiriburua, ezustekoak dituen norako turistiko horietako bat da, inolaz ere. Datu bitxiak ditu, eta merezi du bisita egin aurretik jakitea, xehetasun bakar bat ere ez galtzeko.
Jakin nahi al duzu zein diren gure kostaldeko hiriburuaren bitxikerietako batzuk? Segi bada irakurtzen, aho zabalik utziko zaituzte eta!
Hiriko ikonoetako bat da, Kontxako badia eta Mirakontxako begiratoki txikiak inguratzen dituen ehun urteko baranda. Horren bitxikerietako bat da zati batek ez duela pasealekura begiratzen, hondartzara baizik, alderantziz dago!
Aurkituko al duzu edo arrasto bat behar duzu?
Donostiako uharte honetan sugandila moduko bat bizi da, euskal mendietan ikusten dugunaren oso bestelakoa. Azpiespezie bat da eta Donostiako txoko honetan bakarrik dago. Ba al zenekien?
Egiazko altxor naturala!
Gipuzkoako hiriburuaz hitz egiten entzuten dugun bakoitzean, 3 hondartza aipatzen dira: Kontxa, Zurriola eta Ondarreta. Baina, egia esan, 4 hareatza ditu Donostiak, Santa Klara hondartza txikia da (uhartearen izen bera du) ahaztua gelditzen dena, itsasbeheran baino ez baita ikusten.
Ezagutu ezazu!
Ba al zenekien Donostiako Alde Zaharrean kale bakar bat geratu zela osorik? Abuztuaren 31 du izena, eta donostiarrek urtero ospatzen duten data hori; izan ere, 1813an, egun horrekin, tropa anglo-portugaldarrek su eman zioten hiriari eta erabat suntsitu egin zuten. Kale hau izan zen suak hartu ez zuen bakarra.
Egun horretan argiak itzaltzen dira ilunabarrean eta kandelak pizten dira.
Ezagutu ezazu egun hunkigarri hori.
Bai, ondo irakurri duzu, Donostian bada sotoan supermerkatua duen eliza bat. Iesuko eliza da, estilo moderno eta minimalistako eraikina, eta janari denda bat eta bezeroentzako aparkalekua ditu barruan.
Harrigarria, ezta?
Hiriko Antigua auzoan dagoen plaza batean Hartz Nagusiaren, konstelazioaren, itxuran jarritako farola batzuk daude. Gainera, lurrean kolore lerro batzuk daude, beste astro batzuen ibilbidea erakusten dutenak.
Interesgarria, ez zaizu iruditzen?
Igeldo mendiaren hegaleko bazter txiki batean, Lourdesko Santutegiaren erreplika txiki bat dago. Aldare txiki bat da, eta banku batzuk ditu aurrean, ikustera joaten den jendearentzat.
Otsailaren 11n meza ematen da Lourdesko Ama Birjinaren omenez, animatuko al zara txoko bitxi hori ikustera?
Donostia da metro karratuko Michelin izar gehien dituen hiria, mundu osoan! Donostiako gastronomiak distira egiten du bere per capita izar kopuruari esker.
Egiazta ezazu!
Gutxi barru Donostia bisitatzeko asmoa baduzu, gorde ezazu post hau eta ikusi kontatu dizkizugun bitxikeria guztiak.
