Jarrai iezaguzu
Hiriak Artea Mendiak eta Haranak
Euskara ikasten hasteko edo hizkuntza horri buruz zerbait jakiteko erabakia hartu baduzu, abestien bidez ikasteko planteamendua egin al duzu? Azkar eta modu jostagarrian egiteko modu hoberenetako bat da.
Euskara oso hizkuntza berezia da, eta dagoeneko ohartuko zinen ez duela zerikusirik gainerako hizkuntzekin. Abestien zerrenda bat prestatu dugu alde batetik zure ikaskuntza errazteko, eta, bestetik, abesti hauek inspiratu dituzten kulturara, paisaietara eta espiritura hurbiltzeko.
Gainera, artistak jaio diren herriak eta tokiak adierazi ditugu, beren abestietan aipatzen dituztenak eta beren bideoklipen agertoki izandakoak, hurrengo bisitaldirako apuntatu ditzazun.
Azken urteetan Euskadin gehien entzun den abestietako bat izan da, mendialdeko eta gure kostaldeko herrien funtsa agertzen du. Trikitiaren soinuak lagunduta, bideoklipean agertzen den Mutriku bezalako herrietan inspiratzen da.
Kostaldeko herria da Mutriku, bi urmael natural ditu.
Ez da harritzekoa bideoklipa hemen grabatu izana, aldapaz josita dago!
Gasteizen sortua, Kai Nakaik reggaeton berria ekarri du Euskadiko agertokira, euskaraz, bere ingurunean oinarritutako letrekin.
Abesti honetan erraz entzungo duzu, argi eta garbi ahoskatzen baitu, nola izendatzen duen Arabako hiriburua.
Ausart zaitez bizkaierarekin Gatiburen eta Izaroren abesti honekin. Gatibu talde ezagunenetako bat da, Gernika-Lumon sortua, eta Izaro Mallabiakoa da. Bi artista horien arteko nahasketak erakusten dizu nola aldatzen den euskara lurralde batetik bestera.
Ezagutzen al dituzu bideoko kaleak? Elantxobe da, kostaldeko herri liluragarria, aldapa, eskailera eta kale estuez betea.
Azkenik, Zea Mays taldeak Bilboko Aste Nagusiari hasiera ematen dion txupinazorako abestutako Negua joan da ta kantuaren bertsio ezaguna uzten dizugu. Hiriko jai jendetsuenak euskarazko talde eta musikaz betetzen dira, eta zerrenda hau gustatu bazaizu bertaratu behar duzu.
Eta orain, animatzen al zara euskara ikastera?
Askoz ere errazagoa eta entretenigarriagoa da gisa horretako abestiekin ikastea, erritmoz beteta daudelako eta gustu guztietakoak direlako, popetik hasi eta reggaetoneraino. Eta ez ahaztu artista horien sorterriak eta euren bideoak grabatu zituzten tokiak apuntatzen zure hurrengo bidaian horietara joateko, zain zaitugu!
Hiriak Ekitaldiak
Ekitaldiak Planak Artea
Enogastronomia Hiriak Ekitaldiak