Gabonak San Tomas egunarekin hasten dira Euskadin, eta hainbat azoka tradizional ospatzen dira; besteak beste, San Tomasak Bilbon eta Donostian, edo Santamasak Arrasaten.
Gabon gauean Olentzero eta Mari Domingi beren baserrietatik jaisten dira, haurrei opariak eramateko asmoz, eta haur denek pozez eta ikusminez egiten diete harrera herrietako kaleetan.
Errealitate bihur daitezen zure ilusioak!
Euskadin merkataritza erakargarria, bertakoa eta berritzailea topatuko duzu. Arimadun merkataritza bat, zuk eta zure hurbilekoek merezi dituzuen kalitatezko produktuak eskuratzeko.
Jaiotza Egileen Munduko Federazioaren arabera, tamaina errealean eginiko 200 figura baino gehiago dituen Gasteizko Jaiotza Monumentala munduko interesgarriena da.
Segi zure izarrak markatutako bideari!
Bilbon, Donostian, Gasteizen eta Euskadiko beste hainbat herritan San Silvestre lasterketa herrikoia egiten da.
Ongi pasa eta kirola egin urtea energiaz beteta amaitzeko!
Euskadiko kaleak irudimen handiko gailuekin argiztatzen dira, eta bertatik igarotzen direnak jai giroan murgildurik sentitzen dira. Gainera, gure hirietan, ikusgarria izaten da argiak pizteko ekitaldia.
Argiztatu zaitzala Gabonetako espirituak!
Izotz gainean patinatzeko pistak familia osoarentzako aisialdi eskaintza gisa jartzen dituzten udalerriak urtetik urtera gehitzen doaz. Gasteiz bezalako lekuetan tradizioa da, eta urtero milaka pertsona gerturatzen dira bertara.
Irrista zaitez egunerokotasunaren gainean!
Hiri zein herrietako kaleetan jartzen diren artisautza azoketan herritarrek hainbat produktu eros diezaiekete zuzenean eskuz egin dituzten pertsonei.
Kalitatea eta jasangarritasuna!
Errege Magoak ekialdetik iristen dira opariz beteta, eta, haien laguntzaile eta karroza ikusgarriekin batera, ilusioa banatzen dute herri eta hirietako kaleetan barrena.
Adi, gozokiak banatuko dituzte eta!
Abenduaren 31n eta urtarrilaren 1ean tradizioa da gure inguruko mendiren batera igotzea, hala nola Gorbeiara, Adarrara, edo Zaldiaranera. Bertatik, ongi etorria ematen diogu urte berriari.
Jarrai iezaguzu Instagramen
