Armañongo Parke Naturalak ginkanak eta ibilbide autogidatuak eskaintzen ditu Karrantzan eta Turtziozen. Batzuk mugikorrarekin edo tabletarekin egin daitezke QR kode bat irakurriz, beste batzuk, ordea, paper formatuan daude.
Ginkanak
Zuhaitzak eta zuhaixkak ezagutuz
- Armañongo Parke Naturaleko zuhaitzak eta zuhaixkak modu erraz eta entretenigarrian ezagutzeko ginkana.
Historia eta ondarea ezagutuz
- Parketxearen inguruan egon zen meatzaritza- eta industria-jarduerari lotutako natura eta historia ezagutzeko ginkana didaktikoa.
Zuhaitzak eta zuhaixkak ezagutuz
- Agüera ibaiko zuhaitzak eta zuhaixkak bertatik bertara ezagutzeko ginkana, Basinagre auzotik (Turtzioz) Agüeraraino.
Historia eta ondarea ezagutuz
- Turtziozko Parketxetik abiatzen den Agüera ibaiko haltzadiak izeneko (GR 123) ibilbidean zehar natura eta historia ezagutzeko ginkana didaktikoa.
Ibilbide autogidatuak
Ibilbidea Parketxearen kanpoaldetik
- Ibilbide zirkular erraza La Zoja begiratokiraino (2 km.), non formazio karstikoak, Karrantzako haran osoa, Ordunteko mendien bista paregabea eta Karrantza ibaiaren haitzartea ikusi ahal izango ditugun.
- Ibilbidearen foiletoa PDF formatuan dago.
Raneroraino ibilbidea
- Parketxearen ingurua Ranero auzoarekin (4,5 km) lotzen zuen gurdibidea ezagutzeko ibilbidea. Ranero auzoan, San Zipriano eliza ikusteko aukera dago.
- Ibilbidearen foiletoa PDF formatuan dago.
Surbias-Galupa ibilbidea
- Zailtasun ertain-altuko ibilbide erdizirkularra (17,4 km), Armañongo artzain-estazioa ezagutzeko. Estazioaren barruan monumentu megalitikoak daude, hala nola, trikuharriak, tumuluak eta harrespilak.
- Ibilbidearen foiletoa PDF formatuan dago.
Sopeñako artadiko ibilbidea
- Zailtasun ertain-altuko ibilbide erdizirkularra (19,8 km), Armañon mendiaren magalaren azpian kokatutako artadi berezi hau zeharkatzeko aukera emango diguna.
- Ibilbidearen foiletoa PDF formatuan dago.
Ekintza hauek urte osoan zehar eskaintzen dira.
Informazio gehiago eta erreserbak: armanon.parke.naturala@bizkaia.eus / 94 656 00 79
Lugar Barrio Ranero, 6L, Karrantza Harana/Valle de Carranza, Trucios-Turtzioz
