Donostiako erdigunetik pintxoak jaten

Donostiako eremu dotorea da, Kontxaren eta Urumea ibaiaren artean. Bertan daude saltokiak eta hiriko eraikin esanguratsu gehienak. Jatetxeak eta kafetegiak banatzen dira eremu horretan, baita pintxoz ondo hornitutako barrak ere. Barruti honetako lokal onenen artean dago Antonio (Bergara 3), patata-tortilla bikaina duena. Hortik hurbil, San Martzial zentroko kale gastronomikoetako batean, Zaspi eta Prontxio berrituko pintxoak dastatu ahal izango ditugu, eta kalearen amaieran, La Espiga historikoa eta Alustiza ditugu, sasoiko produktu onenekin eginiko pintxoak dituztenak. Ez dugu ahaztu behar, halaber, Tierra y Mar tabernako (San Martin 42) arrain pastel ederra edo Mesón Martín tabernako (Elkano 7) traineru klasikoa.