Harresia

Urduñako harresia da Bizkaian defentsarako eraikin-multzo publiko garrantzitsuena. Antzina, ia bi kilometro zituen luzeran. Gaur egun, ordea, harresiaren bi heren gelditzen dira zutik, eta, gainera, tarte asko eraikinen atzean ezkutatuta daude. Andra Mari elizaren inguruetan ikusi ahal dira ondoen harresiaren hondarrak. Harlangaitzezko bi hormek osatzen dute; morteroz gogortuta, bi hormen arteko tartea landu gabeko harri txikiekin dago beteta.