Zestoako bainuetxea

Kondairak dioenez, 1760an Donemiliagako markesa txakurrekin Zestoa inguratzen duten zelaietan zebilela, txakurrek ur beroz betetako putzu batzuetan bainatzea erabaki zuten.

Ordura arte hazteriak jotako txakurrak berehala osatu ziren. Urak sendatzeko ahalmena zuela jabetuta, jarduera hori bultzatzea erabaki zuten. Handik zenbait urtera, 1804an, Zestoako bainuetxea ireki zuten, inguru hartan turismoari hasiera emanez.

Egun, jatorrizko bainuetxeaz gain, ondoan 1893an ireki zuten Hotel Nagusia dago. 1983ko uholdeen ostean, Zestoako bainuetxeak zerbitzuak eta instalazioak zaharberritu eta hidroterapia teknikarik berrienak jarri zituzten martxan, Europako bainuetxerik ezagunenen mailara iritsiz.

130 gela, jantoki handi bat, antzokia, ehiza jangela, arabiar jantokia eta batzar areto handi bat ditu egun. Lorategi ederrez inguratuta dago.