Arte eta Kultura
Ondare kulturala
Larraitzeko baseliza (Nuestra Señora de los Remedios izenez ere ezaguna) Txindoki (1.346 m) mendiaren magalean dago, ingurune zoragarri batean. Aralarreko Parke Naturalerako sarbiderik garrantzitsuenetakoa da. XVIII. mendeko eraikina da eta Ama Birjina gurtzen da bertan.
Barruan, Ama Birjinaren tailu gotiko bat ikus daiteke ezker besoan umea duela. Inguruko baserritarrek eta artzainek jauresten dute, betidanik mirariak egiten dituela uste izan dutelako. Bestalde, mendizale askok Larraitzeko ermitan ekiten diote Txindokirako bideari. Inguruotan, gainera, mahaiak eta eserlekuak dituen aisialdirako gune bat eta hainbat jatetxe daude. Jende asko egoten da udan eta asteburuetan.
Urtean behin, San Pedroren omenezko jaiak aitzakia hartuta, erromeria handi bat ospatzen da baselizan.
Baseliza
Uztaileko lehen igandean San Pedroren omenezko jaia ospatzen da.
