Arte eta Kultura
Ondare kulturala
San Martin ermita XVI. mende hasieran eraiki zuten, muino batean. Zurezko armadura eta sarrerako arku zorrotza dira harizti zoragarri batek inguratzen duen eraikin xume honen elementurik azpimarragarrienak.
Barruko erretaula nagusi ederra Pierre Picartek egin zuen. Erretaula horretako lau behe-erliebeek San Martinen bizitzako garai ezberdinak erakusten dituzte.
XVIII. mendeko kanpai-hormak eta XIX. mende amaierako -edo XX.aren hasierako- eliz atariak ere aipamen berezia merezi dute.
Bi ermandaderen egoitza izan zen: Oñatiko errementariena eta San Roke anaiartearena. Egun oraindik ere azaroaren 11n, San Martin egunean, meza ematen da ermitan.
Baseliza
