Arte eta Kultura
Ondare kulturala
Biañezko eliza zaharra XV eta XVI. mendeen artean eraiki zuten.
Tenplu honetako nabeak ez dauka gangarik, baina portada gotiko puntadun ikusgarria du, apaindurarik gabea. Zaharberritze lanak egin zituztenean altxor handia aurkitu zuten elizaren burualdean. 1988an, XVII. mendeko erretaula barrokoa kendu zutenean, errenazimenduko horma-irudiak aurkitu zituzten. Erretaula itxura zuen eta margo multzo horrek Kristoren Pasioa, Azken Afaria eta San Andresen Martirioa irudikatzen zituen 12 eszenatan. 90 metro karratu inguru daude margoztuta eta 1535-1540 urte ingurukoak dira.
1993an zaharberritu zituzten margo horiek.
Parrokia eliza
Larunbatetan, igandetan eta jaiegunetan egiten dituzte bisita gidatuak, 13:00etan. Taldeek Gure Griña elkartera deitu beharko dute bisita egin nahi izanez gero.
