Arte eta Kultura
Ondare kulturala
Andikoako Andre Mariaren Santutegia tenplu gotikoa da. 1560. urtean eraiki zuten eta hiru zatitan banatutako nabe bakarrekoa da. Armonikoa eta proportzionala da Santutegia eta hormak urre koloreko harlanduz eginda daude.
Burualdean sakristia dauka eta elizpea berriz eraikinaren erdialdean dago kokatuta. Kanpandorrearen ordez kanpai-horma bat du, hori ere elizaren erdialdean dago. Barrualdetik berriz, oinetan, bi arku eta zutabe batek eusten duen koru altu bat dauka.
Berrizko San Joan Ebanjelista elizako koruaren kopia bat da. Erretaula ikusgarria du, egur polikromatuzkoa da, barrokoa, churrigueresko aldikoa, eta elementu batzuk rokoko estilokoak dira. Andikoako Santutegia 1949an zaharberritu zuten.
Santuario
Bi dira santutegi honetan ospatzen diren jaiak, Andra Mariren garbikundea, otsailaren 2an eta Jaunaren Igokundea.
