Bastidako udaletxea

Bastidako udaletxea XVIII. mendeko eraikin aparta da, barroko berantiarraren berariazko altxorra.

Plazara begira dagoen eraikinaren fatxada nagusiak apaingarri ugari ditu. Hiru arku erdizirkular ditu atarian. Arku horietako bakoitzak hiru arkibolta dauzka. Lehen solairuan, berriz, arku erdizirkularrak dituzten hiru balkoi daude.

Bastidako turismo bulegoak alde zaharra ezagutzeko bisitaldi gidatuak antolatzen ditu. Besteak beste, herriko bi elizak (Jasokundeko Andre Mariarena eta Kristo Santuarena) barrutik ikusten dira.