Jasokundeko Andre Mariaren eliza (Bastida)

Eliza katoliko bikain hau XVI eta XVIII. mendeen artean eraiki zuten herriko plazan. Estilo errenazentista eta barrokoa uztartzen ditu. Kanpotik hiru zati ezberdin ditu: dorrea, eliza eta sakristia berria.

Eliz ataria da tenpluaren elementurik nabarmenena, XVII. mendeko arkitekturaren berariazko altxorra. Errenazentista da eta garaipen arku baten azpian dago. Garaipen arku horrek pilastrak ditu alboetan eta hiru zatitan bereizitako arku erdizirkular handi bat dago pilastra horien artean. Ate bikoitz bat dago beheko aldean.

Barruan erretaula nagusia gailentzen da, barrokoaren adibide bikaina. Koruan, berriz, XVII. mendeko organo bat dago.