Bermeoko Alde Zaharra

Bermeoko alde zaharrean arrantzale giroa da nagusi, kale eta plaza ederrak daude, eta portu zaharrak nortasuna ematen dio herriari. San Joan arkua (XIV. mendea) da herria inguratzen zuen harresiaren zazpi atarietatik zutik gelditzen den bakarra. Beherago Udaletxea dago, XIX. mendekoa da eta fatxadan bi eguzki erloju ditu. Erzilla dorrea alde zaharrean zutik gelditzen den dorre bakarra da, portuaren gainean nagusi agertzen da dorre gotiko hau. Gaur egun Arrantzalearen Museoa da. Erlojio-monumentuei dagokienez, Andra Mari eliza neoklasikoa ikusgarria da. Greko-erromatar tankerakoa da eta zutabe dorikoez hornitutako ataria du. Santa Eufemia eliza gotikoak ere merezi du bisita, Bizkaiko Jaunek bertan egiten zuten Foruen zina.