El Pobaleko Burdinola

Barbadun ibaiaren magalean, errotaren azpiegitura hidraulikoa (presa, kanalak eta anteparak) eta beste hainbat eraikin daude ikusgai: olagizonak bizi ziren Jauregi Etxea (museoaren sarrera eta erroten inguruko erakusketa bat daude bertan); ogia egiteko labe txiki bat; artoa eta garia ehotzeko irin-errota; eta burdinola.

Bi erakusketa gela, ikaztegiak, sutegia, olagizonen tailerra (sutegiko mailua eta harrizko hauspoarekin dabilen galdategiko labea daude bertan) ditu burdinola horrek.