Bilboko Aireportuko Turismo Bulegoa

Espainiako Estatuko lehenengo turismo bulego teknologikoa Bilboko Aireportuan dago, Loiun. Elkarreragilea eta zirkulu-formakoa da, eta diseinatzaileek argia erabili dute bulegoa aireportuaren barruan integratzeko.

Besteak beste, bereizmen handiko irudiak proiektatzen dituzten zazpi pantailak nabarmendu behar dira. Pantaila horietan pertsonaia ezagunek bisitariei ongietorria ere egiten diete, bakoitzak hizkuntza batean. Guneak itsasargi bat gogora ekartzen du.

Kanpoaldean bi ukipen-pantaila daude, eta horietan informazio baliagarria aurkituko du Loiura bertaratzen den turista orok.