Turismo Informazio Gunea-Bilbao Turismo (Guggenheim Bilbao Museoa)

Guggenheim Bilbao Museoaren sarreraren ondo-ondoan dagoen turismo bulegoan Bilbori, Bizkaiari eta Euskadiri buruzko informazioa eskaintzen dute. Horrez gainera, bisita gidatuak antolatzen dituzte, Bilbao Card deritzon txartel turistikoa saltzen dute eta hoteletan erreserbak egiteko aukera ere ematen dute.

Bulegoa urte osoan zehar egoten da irekita, eta zerbitzuak euskaraz, gaztelaniaz, ingelesez, frantsesez, alemanez eta italieraz eskaintzen ditu.