Bastidako Turismo Bulegoa

Bastidako txokorik ederrenak ezagutzea errazagoa da udalerriko turismo-bulegoari esker. Bertako eta inguruko herrietako informazioa emateaz gainera (jatetxeak, upeltegiak, ostatuak, ibilbideak eta mendi-ibiliak barne), bisitaldi gidatu anitz antolatzen ditu bulegoak.

Hirigune historikoa, Jasokundeko Andre Mariaren eliza, Kristoren tenplua-gotorlekua eta udalerriko upeltegiak ezagutzeko bisitaldi gidatuak nabarmendu behar dira. Era berean, ibilaldi bereziak, mendi-ibiliak, bazkariak eta dastaketak prestatzen dituzte.

Bitxikeri moduan, globo-bidaiak antolatzen dituztela aipatu behar da; beste era batera esanda, airetik inguruko txoko ederrak ikusteko aukera paregabea eskaintzen dute. Bisitarientzat askotariko materiala saltzen dute turismo-bulegoan: liburuak, postalak, bertako produktuak eta bideoak, besteak beste.