Helmuga turistikoak
Herriak
Gaintza, hain zuzen, landa udalerri txiki bat da, zinez atsegina, Txindoki mendiaren magalean dagoena. Nukleo txiki batek osatzen du. Bertan daude, hain zuzen, San Migel parrokia eliza, pilotaleku moderno bat eta mendi zein basoetan barreiatutako baserri multzo bat. Hori guztia, nola ez, paisaia ederrez osatutako ingurune batean. Eliza barnean, nabarmentzekoa da Berpizkunde garaiko erretaula dotore bat.
Panoramika bikainak
Ondoren, inguruetan zehar ibilaldia egitea erabakiz gero, San Martin baseliza bisitatzeko aukera izango dugu. Udalerriaren kanpoko aldean dagoen ermita hau herriko eliza izan zen antzina. Gainera, herriaren kokapen ezin hobeari esker, ikuspegi paregabeez goza dezakegu, Aralarko mendiez eta Ausa-Gaztelu (904 m.) tontorraz, besteak beste.
Herriko jai nagusiak irailaren 29an ospatzen dituzte, San Migel zaindariaren omenez. Azaroaren 11n, gainera, erromeria egiten dute San Martin ermitaren inguruan.
