MUSKIZ  Hotela *

Bizkaiko Foru Aldundiko zergak kobratzeko 1928an eraikitako etxe batean dago hotela. Harri, burdin eta egurrezko arkitektura errespetatuz eraberrituta dago. Inguru berezian kokatuta dago, El Hayako autobideko irteeratik 200 metrora, Bizkaia eta Kantabria artean. Hondartza eta menditik oso hurbil dago eta gertu ditu ere arte, kultura eta aisialdiko guneak, Bilbotik 15 minutura baitago. 20 logela ditu, denak kanpora begira eta bainugelarekin (hidromasajea aukeran). Besteak beste, ile lehorgailua, berogailua, telefonoa eta telebista digitala ditu. Horrez gain, hotelak fax zerbitzua, kafetegia eta aparkalekua ditu.